【槍林彈雨】炫麗槍擊三人行 RPG《End of Eternity 永恆的盡頭》4K 畫質超強化高清登錄 PS4

 

2010 年由 tri-Ace 製作、世嘉發行嘅 RPG《End of Eternity 永恆的盡頭》,呢隻當年出喺 PS3 及 XBox 360 上面嘅遊戲,在座唔知有幾多朋友玩過呢?

《End of Eternity 永恆的盡頭》故事設定在遙遠的未來,地球瀕臨毀滅,人類為咗拯救地球,開發咗名為巴賽爾(バーゼル)嘅裝置藏在地球深處。

由於環境惡化嚴重,人類慢慢移居到巴賽爾內部,甚至發展起居住階級,越頂層為富裕人士,越下層為越貧困危險地區;正當大家以為能得以安寧生活,真相卻是,越多人類聚居在巴賽爾內部,巴賽爾的基能就會逐點衰退。

 

 

故事一共有 16 個篇章,到底劇本點樣寫,留待玩家自己去回味或者發掘了~

官方預計將會在 2018 年 10 月 18 日於 PS4 及 Steam 上面發售遊戲嘅 Remaster 版本《End of Eternity 4K / HD Edition》,雖然性質上黎講係炒冷飯,但係我同網友傾開,先發現都有幾多朋友未玩過呢隻遊戲的!

所以,未玩過嘅朋友,強烈建議你食呢一碟炒得好香口嘅冷飯;如果你有 PS4 Pro +4K Mon 嘅話,相信絕對可以將呢個遊戲當係全新 RPG 體驗黎享受添(如果無 4K 嘅朋友要唔要順手換機換 Mon?BenQ 隻 EL2870U(28 吋 4K)真係用完返唔到轉頭架~)

 

PS3(2010 年)畫質

PS4 畫質

 

今次呢隻 Remaster 版本唔止喺畫面上做左提昇(4K 60fps),喺貼圖材質上面都有所修正,務求為玩家呈現出遊戲全新面貌;例如女主角 Reanbell(リーンベル)嘅金色頭髮就好似落左 Filter 咁充滿柔順感。

 

好想摸,我講啲頭髮

 

遊戲裡面主要武器為槍,玩家可以收集零件改造自己槍械去增強攻擊力或其他特性,呢一點同其他 RPG 有主攻系、補師法術系嘅設定略有不同。

 

 

遊戲 10 月 18 日登錄 Steam 及 日版 PSN,數位版限定,定價為 3,600 日元(未連稅)。我自己就一定會入手架喇,你地又有無興趣呢?反正《刺客》就爆、《Red Dead 2》未出,中途轉個口味都唔錯吖!

 

「你地唔係唔買啊?」(大誤)

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻! https://www.facebook.com/katechengyk

追蹤

Facebook 更多文章