【柴犬 Fans 召喚】橫向捲軸收集遊戲《柴日常夢太郎 Montaro RE》女高中生是力量的來源!

 

有留意開 Steam Game 嘅朋友,或者早喺 2016 年嘅時候,已經見過甚至玩過呢隻名為《Montaro(柴日常・夢太郎)》嘅獨立遊戲;如果你未玩過,又或者想再重新感受遊戲,工作室「JCKSLAP」即將喺今年 11 月 16 日推出全新加強版《Montaro RE》,官方形容遊戲為「治療系」,同埋遊戲中嘅地圖係隨機生成的,所以玩家每次玩可能都會有唔同感受。

作為一隻橫向捲軸遊戲,玩家飾演嘅柴犬,必須不斷向前行,踩中蕉皮會扣血,而喺女高中生身邊行過時,佢地見到你如果冒出心心,食左佢就可以回復體力 LOL

而你路上收集到越多金幣,就代表你獲得越高分;呢啲金幣為字為「Doge」,儲夠一定份量可以返 Menu 換柴犬 Skin(!)。

 

 

遊戲操作十分簡單易明,但係要喺遊戲中拎到高分並唔容易,因為隨住地圖變化,路上會遇到唔同嘅障礙物,如果夢太郎未能定時回血,就要 Game Over 了。

今次呢隻《Montaro RE》可以話係第一代嘅加強版,除左難度稍為增加、地圖變化增多之外,相信整體製作上亦會更加細緻;事先聲明呢隻遊戲中毒性極強,今次仲要對應英文、日文、繁體中文,絕對適合唔同語言偏好嘅玩家!

不過官方為左保持神秘感,目前都未有公佈《RE》嘅遊玩片段,想了解遊戲大概流程嘅朋友,可以參考返一代嘅片段:

 

 

Montaro RE Steam 傳送門
Montaro Steam 傳送門

 

麻生龍

麻生龍 客席編輯,中二病廢中,打機會自己講野自己笑,鍾意睇機械人動畫。單身寡佬,目前日本在住(流放)中。

追蹤

更多文章