《Fallout 76》後續計畫公布 建造系統強化加入派系PVP

 

相信唔少玩家係琴晚由西部轉移陣地去西維珍尼亞州,即係走去玩《Fallout 76》。雖然 Bethesda 出品一向係信心保證,但係據聞新作有唔少 Bug 存在,而呢點製作團隊亦都知道。所以佢地亦都發出公告,除咗完善已知既問題外,仲透露遊戲之後有咩後續計劃!

 

 

係 B社公告上面,佢地提到要係一款經典作品入面,創造一種全新類型遊戲並係易事,除咗多謝各單位既協助之外當然都要感謝玩家。而隨後仲講到明遊戲只係開始階段,係之後會有一連串更新動作。當中包括新既 C.A.M.P 建造系統強化、加入更多新任務、新避難所、角色重新定位,以及派系 PVP 系統等等。對我黎講最吸引既當然係建造系統強化同派系 PVP 最為吸引,不過具體情況係點都係要等進一步消息,大家探索下隻 Game 先啦!

 

 

《Fallout 76》於 11 月 14 日發售,對應平台為 PS4 / Xbox One / PC,支援繁體中文。

五木

動漫電玩宅,極愛金田一系列,擅長動作及策略遊戲

追蹤

更多文章