【活動推介】宇記親傳 本地LEGO Technic大師開班分享

香港嘅 LEGO 創作高手其實多不勝數,不過我個人係比較少提及LEGO Technic系列作品,始終機械嘅野我唔明架啦。唔明唔識嘅咪搵機會學,而今次真係機會嚟啦!

本地LEGO Technic大師宇記嘅作品,睇就睇得多佢嘅作品,而且好多都有香港特色,除左之前出晒名嘅吊雞車、消防早昇降台、密斗貨車等等。不過喺今嘅年頭,宇記突然話收山,唔再做任何 LEGO 創作,最多只係將舊作做輕微修改。

 雖然唔作創作,不過宇記精神係可以發揚光大嘅!嚟緊喺今個月嘅 23 同 24 號,喺彌敦道190號 Let’sGo 將會有宇記親傳講座,介時除左分享返啲作品同創作歷程,最重點就係會講解點樣去用 LEGO Technic 去做到動力同轉向系統,而且教埋你點樣可以做到最穩陣嘅 LEGO Technic 車架!

當然會拎埋佢嘅吊雞同埋巨獸級礦用鏟泥機 P&H L1150 兩件作品去做現場示範同講解!



成個活動兩日都係免費入場,不過就因名額有限需要預先登記!想喺高手身上拎靈感、偷師或者希望宇記親自解答你創作路上嘅問題,就記得 Whatsapp 去 95784642 報名留位啦!(話睇 VJGamer 嘅可能仲會留到好位架!XD)

Session A . 23rd Nov / 7:30pm
Session B . 24th Nov / 1:30pm

 

阿九

打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast //goo.gl/HRnxDW

追蹤

更多文章