《Battlefield V》驚現重大Bug 輕則卡死重則鎖槍!

EA 重點射擊大作《Battlefield V》終於推出,不過情況似乎不太樂觀,已經被玩家發現有唔少 Bug 存在,而且仲係會嚴重影響進度!如果已經購入《Battlefield V》既玩家就要留意,唔好做以下幾個動作,以免中 Bug!

 

 

事源係有玩家係外國著名論壇 Reddit 上面開咗個 PO「Do NOT check assignments in the middle of the game, there is a chance your game will get stuck」(切勿在遊戲中查看任務列表,有機會會令你卡死)。係《Battlefield V》入面有各式各樣既任務,完成條件亦都不盡相同,而玩家係遊戲中可以按暫停,再係 Menu 度揀任務欄查看。老實講呢個係非常常見同普通既功能,差唔多隻隻 Game 都有,但係你又點會諗到呢個咁簡單既操作係會令你中 Bug?如果做咗上述動作就會有一定機率卡死,卡死之後玩家無法進行任何操作,必須強制關閉程式,而呢點係 Reddit 上面已經有多位玩家證實。

 

 

另外一個情況就係當你 Class Rank 已經升滿,並且 Unlock 槍支後,千其唔好太快離開遊戲,否則有機會令到槍支永久鎖上,直到有 Patch 解決問題,呢個 Bug 同樣地有多位玩家中伏,大家要小心。如果已經中咗呢個 Bug 既朋友亦都唔需要太擔心,因為有玩家指只要向 EA 客服聯絡,佢地都會幫你解鎖返把槍。

 

 

不過《Battlefield V》作為 EA 重點大作,而且今次係唔衰得既,相信好快會有大動作去 Fix 以上既 Bug,已入手既忍多陣,未入手既不妨等多陣啦!《Battlefield V》已經推出,對應平台為 PS4 / Xbox One / PC。

 

五木

五木 動漫電玩宅,極愛金田一系列,擅長動作及策略遊戲

追蹤

更多文章