【童年回憶】經典治癒系作品《生肖奇緣(Fruits Baskets)》全新動畫化!聲優全換 Fans 接唔接受?

 

由高屋奈月老師創作嘅經典人氣少女漫畫《Fruits Basket》(港:生肖奇緣;台:水果籃子/幻影天使)於 1998 年~2006 年期間在白泉社旗下《花與夢》上面連載,合共 23 卷漫畫目前已經在全球賣出超過 3,000 萬套,呢套漫畫可以話係影響我少年時間極深嘅一套作品,我仲保存住成套初回版日文漫畫!

《生肖奇緣》2001 年時曾製作一季共 26 話嘅動畫,香港 ATV 亦曾經播放,相信唔少朋友或者有啲印象。不過,當時嘅動畫只係作品嘅好少部份,時隔 17 年,官方終於宣佈將完完整整全套嘅《生肖》製作成全新動畫,預計 2019 年開始播放!

只不過新版動畫換哂主角聲優班底,部份舊動畫嘅死忠 Fans 就跑出黎話「呢個聲優唔夠格」咁樣!

目前公佈左嘅聲優包括本田透以及同屋主草摩由希、夾、紫吳四人:
舊班底:堀江由衣、久川綾、關智一、置鮎龍太郎
新班底:石見舞菜香、島﨑信長、内田雄馬、中村悠一

 

關智一先生

 

關智一都走去同一班後輩講加油,超窩心(心)

 

 

我係舊派人,如果比我揀,可以用返當年班底當然會更有親切感;不過新班底其實亦都係近年努力中嘅新紮聲優們,我始終都係好期待見到呢套新版動畫面世的。

有最新資訊再同大家分享!

 

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻! https://www.facebook.com/katechengyk

追蹤

Facebook 更多文章