【真的好嗎?】聲優轉戰大銀幕真係好事?《Xenoblade 2》主角聲優下野紘做電影男主角!

 

有返咁上下歲數而又對日本聲優界有所留意嘅朋友,應該都會發現近十年嘅聲優作業已經變得非常多元化,聲優們好多時唔止聲演角色,仲要唱歌做電台,甚至做舞台劇上綜藝節目。

曾經出演唔少經典角色嘅下野紘,剛剛就宣佈即將真人出現電影《クロノス・ジョウンターの伝説》。下野紘曾經出演過唔少角色,相信大家見到下面呢張圖或者會有啲印象(如果你係女性動畫或遊戲迷就當然唔需要我多講了(笑))

 

 

《クロノス・ジョウンターの伝説》呢套電影由小說改篇,係一個 SF 故事,講述男主角吹原和彦係研究工程人員,公司研究嘅係可以穿越時空嘅工具;吹原和彦心儀女主角蕗来美子,但係一場意外,令到蕗来美子死左,吹原和彦就想利用工具回到過去改變現狀,無諗到件事越搞越差。

 

 

就咁聽故事大綱其實唔差的,不過好多下野嘅 Fans 都對呢個消息感到既高興又擔心,一來聲優同演員係兩個界別嘅演技,Fans 都擔心下野會唔會應付唔到;而聲優界嘅朋友們,例如浪川大輔以及谷山紀章,都有喺廣播節目中提到呢件事,不過佢地同下野既然好同事亦係朋友,所以雖然聽得出佢地有所擔心,不過心底都係支持下野的。

 

對話如下:
浪:ファンが動揺したってトレンドに上がってた
谷:なんで?
浪:あれじゃない?遠くに行っちゃうな?
谷:行かねぇよアイツは。そんなのファンが一番わかってるんじゃねぇの

 

至於我,我亦很好奇下野跨界別演出到底能夠去到邊個地步?以下有部份公開劇照以及介紹片段,如果你同我一樣鍾意睇日本邦畫,呢套電影 2019 年春天將在日本上映,一齊留意下吧!

 

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻! https://www.facebook.com/katechengyk

追蹤

Facebook 更多文章