【真・空襲】聖丹尼連環空襲事件!無諗過《Red Dead Redemption 2》Online 版會比船壓死

 

已經開始進行 Beta 嘅《Red Dead Redemption 2》Online 版,相信唔少玩家都已經玩得好開心,我亦好佩服好多外國玩家不眠不休咁已經建立左個強大武裝集團出黎,而我……仲只係得 10 Lv。無計,天氣涼左係易眼瞓啲。

咁但係,雖然 Rockstar 係信心保證,不過一個內容量如此龐大嘅 Online 遊戲,總難免有 Bug 或者奇怪的地方。外媒 gamesrader+ 就報導左唔少玩家喺 Saint Denis(聖丹尼)遭遇嘅「離奇空襲事件」!

 

 

唔係太空船,唔係《Fallout 76》核彈,而係貨真價實幾十隻船,從天而降,窒窒地,震震下,有唔少玩家路過比船壓死,好彩避得開嘅,就困左喺船陣入面好難先出返黎!

Twitter 有位玩家正同朋友組緊隊,幾位隊友行經聖丹尼時,不約而同發出慘叫聲……

 

 

咁到底狀況有幾奇異?我地一齊黎去片:

 

 

呢個燒黑廢船從天而降嘅異象,喺 Twitter 同埋 Reddit 上面都成為玩家嘅熱門話題。Rockstar 剛剛就走出黎回應,叫遇上呢種狀況嘅玩家可以考慮「clearing the cache on your console」咁話。

 

 

連同我地早前報導過嘅「地獄之火」事件,《RDR2》呢個遊戲似乎仲有好大潛力比玩家發現更多奇妙異點(喂)點都好,11 月 30 日 Online 版就正式向所有玩家開放,牛仔們我地聖丹尼見了!

 

延伸閱讀:
【地獄之火】《Red Dead 2》神秘地點發見!馬一行過就會即刻自焚死?

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻! https://www.facebook.com/katechengyk

追蹤

Facebook 更多文章