大型多人線上遊戲《EVE Online》衍生遊戲 《Project Nova》暫停開發!

雖然係香港人氣唔算太高,但係由冰島 CCP Games(Crowd Control Productions)所開發既型多人線上遊戲《EVE Online》係全世界擁有極龐大玩家群,當中科幻太空設定亦都非常適合用黎做其他類型遊戲。所以 CCP Games 佢地亦都開發咗一隻用《EVE Online》世界觀,結合戰術合作 PvE 同 PvP 既第一身射擊遊戲《Project Nova》,不過綜合玩家既反應,並無達到預期既效果,所以正式發出一份聲明,宣佈遊戲暫停開發。

 

 

《Project Nova》最開頭係 2016年公佈,屬於第一身射擊遊戲。係之前既測試見到 PvE 模式下,玩家可以建造自動砲塔等等防禦工事。故事就講述玩家對抗 Sansha 既艱辛過程,而且官方亦都講過會有豐富既敘事過程,令玩家投入係遊戲故事中。

不過係 CCP Games 既聲明入面就提到遊戲當前既玩法及體驗無法達到最初既設想,無法實現呢個項目既雄壯目標。亦都希望玩家理解佢地需要放慢腳步,回歸原點,所以將會暫停即將展開既 Alpha Test,直到另行通知。

 

 

雖然《Project Nova》宣佈暫停開發,但係 Fans 們又唔洗灰心住,計劃並無完全取消, CCP Games 仲繼續投資緊呢個項目。而且佢地補充《Project Nova》將會繼續發展,並且致力為《EVE Online》提供高質射擊遊戲體驗,即係大家繼續等下啦。

 

五木

五木 動漫電玩宅,極愛金田一系列,擅長動作及策略遊戲

追蹤

更多文章