【方丈好小器】《Kingdom Heart 王國之心 3》有 Winnie The Pooh・強國遊戲報導變哂閃光 Play!

 

即將於 2019 年 1 月 25 日登錄於 PS4 以及 XBox 嘅《Kingdom Hearts 3》於 11 月 10 日就公佈左新遊戲影片,要知道迪士尼角色眾多,無論係 Captain Jack Sparrow 定係 Elsa 熱唱 Let It Go,佢每一次公佈新登場角色,都會令 Fans「喔喔喔喔!」咁樣反應。

咁 11 月 10 號條片有咩特別?是的,於呢條片公佈嘅新登場角色,就係甚為大眾所認識嘅 Winnie The Pooh and Friends。

 

 

上開網嘅朋友應該都記得,2013 年時,中國主席習大大以及當年美國總統奧巴馬嘅呢張合照,當時,就比人打趣話係維尼熊同跳跳虎。古有皇帝要人改名「避諱」,其實黎到而家都一樣,你話隻肥熊似主席,不了,人來給我滅了那隻熊!自從 2013 年呢個笑話出現之後,Winnie the Pooh 呢個角色同「六四」一樣,喺中國嘅網路上面一律被禁止,違規仲會被人 Ban Account 滅聲添。

咁《Kingdom Hearts 3》有維尼熊,點打入強國市場?

OK,零售嘅方式相信商家們總有方法,不過強國班 Gamers 同埋遊戲媒體就尷尬啲,你話你出成人向遊戲就話要落閃光啫,而家佢地連談論、報導呢隻遊戲,都要自肅落閃光。

 

網路上微博截圖

 

作為一個遊戲網站編輯,連 Winnie The Pooh 咁人畜無害嘅角色都要落閃光,真係唔知有咩感想。而據聞有內地網媒無用閃光出 Post,結果真係比人凍結 Account;不過我無微博戶口,所以就搵唔到圖了,有興趣嘅朋友可以出 Post 試試(笑)

以下為遊戲 Trailer:

 

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章