喺香港嘅 LEGO 主題創作比賽，不論官方或者 LEGO 團體舉辨嘅一年都唔知有冇 5 個，而且自從動漫節都冇埋 LEGO 攤位之後，就連最大型嘅主題創作比賽都冇埋…..雖然高手雲集但冇擂台較勁，就只好民間分享作品。但一係唔搞，一搞原來搞個大嘅！

話說嚟緊 1 月正式發售嘅 LEGO Overwatch 主題產品，香港(Legend Bricks)、台灣(Mocer League)、南韓 (Brickinside)、新加坡(Titans Creations)四地四大組織有見及此，聯合舉行一個『鬥陣特攻系列創作比賽』。

而且比賽模式亦非常簡單，兩人一組創作一件以 Overwatch 做主題嘅全新原創作品(發佈過嘅唔計架！)，面積大細唔可以超過 4 塊 32×32 Baseplate (大約唔可以超過 50 cm x 50 cm)，而高度亦唔可以高過 40 cm！就咁計一計嘅話，個 Size 都唔細，而且仲高過 1:6 Action Figure。而完成後記得遍跟返要求寫返作品資料再 Share 返去所屬地區嘅 Group！

大家最想知贏左有乜呢？每個地區贏左冠軍嘅團隊，都可以有 75972 Dorado Showdown 及 75975 Watchpoint: Gibraltar 一盒。而四地總冠軍仲可以得到 LEGO 產品設計師簽名版 75975 Watchpoint: Gibraltar以及4000026 LEGO House Tree of Creativity。

咁大家最想知依家有啲咩高人出左手，暫時見香港、南韓區就仲未有作品登場！但台灣同新加坡就已經有人出招！而且有啲角色作品都幾估唔到！

Witch Mercy 女巫慈悲

Doomfist 毀滅拳王

RoadHog 攔路豬

就算你冇以上高手咁勁，都可以追住 #OverwatchLTBM 呢個 Hashtag 去睇到今次『鬥陣特攻系列創作比賽』嘅作品。當然如果你覺得自己係絕頂高手，咁就快啲睇清楚參賽細則，盡快將作品展示比大家欣賞啦！

『鬥陣特攻系列創作比賽』參賽細則傳送門