【乜咁啱又係你】即將公佈《FARCRY 6》世界觀又玩核爆後世界!算唔算打《Fallout 76》面?

 

《FARCRY5》今年先剛剛推出完,Ubisoft 於 12 月 5 日已經馬上再下一城,公佈左《FARCRY6》遊戲嘅首條介紹片段,雖然遊戲詳細內容要留待 12 月 7 日喺 Game Awards 2018 上面公佈,不過玩家依然可以對遊戲世界觀先睹為快。

《FARCRY6》以「核爆」後嘅世界為故事舞台,世界陷入荒蕪過後,殘餘嘅人類喺呢片廢土(又係廢土!)上面開始爭奪資源,故事大概係咁。

 

 

同樣地以「核爆後世界」為題材嘅遊戲,有上個月推出之後烽火不斷嘅《Fallout 76》,遊戲裡面 Bug 嘅數量、唔公平嘅系統、以及 B 社嘅營運……真係厚道如我(?)都應該忍唔住就黎出感想文了。

不過,《FARCRY6》選擇以呢個題材令唔少網友不禁笑言「喂咁係咪公然打《Fallout 76》嘅面?」係嘅,我都認同呢種聯想好合理,因為我都有咁諗,我同時認為,雖然好多朋友經常形容 Ubisoft 係「Bug Game 大社」以及「薯仔 Server」,但係佢旗下嘅 3A 大作質素,平心而論,算係咁啦,你地經歷過《Fallout 76》就明咩野真正叫做「貨不對辦」呀。

《FARCRY6》詳細遊戲資訊公佈後,會再同大家跟進!

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章