【開Game就聽到路飛叫!】新世代彈珠遊戲《Hop Step Jumpers》跳出嚟喇!

話說尋日啱啱出左隻彈珠類遊戲《ホップステップジャンパーズ》 (Hop Step Jumpers),話就話彈珠類但又唔係一拉一放咁簡單!

未講遊戲本身先睇睇支援陣容都夠晒強大,繪師中有真島浩老師,聲優方面有為人熟悉嘅田中真弓、緑川光、内田真礼、釘宮理恵等等。

 

遊戲有二人競爭,有二人協力,亦有一人故事闖關。而且遊戲自帶玩家配對功能,所以無論你有無朋友你都可以享受遊戲所有樂趣~

同其他彈珠類遊戲一樣,使用「拉弓」去移動角色;但不同嘅係以前係計角度同距離,而<ホップステップジャンパーズ>係計角度,步數,距離同力度。呢種比較罕見嘅玩法令到遊戲更具挑戰性及更高耐玩度。而且係拉弓完成後千萬唔好掉以輕心,因為係仲有根據時機去按掣出技能嘅玩法,黎提高每次攻擊嘅傷害。仲有仲有,角色同角色碰撞係會施展華麗嘅友情技,從而造出更大威力嘅攻擊。

唔好當佢寶箱啊,道具嚟架!

攻擊手段除左上面所講嘅之外仲有技能同係場上獲取先可以使出嘅遠程攻擊同超必殺技,呢啲都係每場戰鬥致勝嘅關鍵!

一啲基本嘅機關同陷阱都係有嘅。而系統上一個比較特別嘅地方係佢並唔係計HP,而係計算餘下turn數,玩家每次受攻擊都會扣掉每turn嘅耐久值(當然玩家每攻擊一次都會減一turn啦),而當turn數用完歸0時,就當玩家輸喇,呢個係一個非常有趣嘅設定黎!

(水機關陷阱)

(剩餘回合數)

但遊戲其中一個弊病就係強化素材好難打返黎,玩家要用體力去刷二人協力或二人競爭黎獲得強化素材。順帶一提遊戲本身自帶刷首抽功能,大家係第一次10抽時可以無限次重刷直至跌出啱自己心水嘅角色同武器~(極度貼心嘅功能呀XD)

暫時淨係得日本App Store有得下載,Android 用戶就去官網自己 Download 啦!

《ホップステップジャンパーズ》 (Hop Step Jumpers)日本App Store傳送門

《ホップステップジャンパーズ》 (Hop Step Jumpers)官方網站傳送門

Cur特攝

Cur特攝 中意打機,中意特攝,中意英雄,中意玩具,中意玩! 仮面ライダー ウルトラマン 戦隊 ベストマッチ!

追蹤

更多文章