即將於 2019 年 1 月 25 日登錄於 PS4 以及 XBox 嘅《Kingdom Hearts 3》尋日喺 Youtube 上面公佈咗遊戲 Opening MV 片段，於 24 小時內極速獲得超過 140 萬點擊率，以遊戲 Opening Trailer 黎講絕對係一個非常可觀嘅數字。

《Kingdom Hearts》系列於海外本身有極高人氣，加上今次遊戲嘅主題曲「Face My Fears」由宇多田光主唱，而光姐唔止係日本著名歌姬，亦喺日本國外享有極高知名度，所以就算遊戲未正式推出，唔少玩家都已經話「多謝 Square Enix 帶來嘅美好體驗」咁話。

Square Enix 出品遊戲一向於畫面以及音樂方面都落足心思，而又的確，睇完呢條 OP Trailer 之後，成功令好多玩家對遊戲嘅期待度推到最高點。唔止係喺 Youtube 上面，就連 Apple Music 上面都有好多朋友馬上開始煲光姐嘅呢張新單曲。

新單曲封面將光姐繪製成《KH3》角色模樣，手上握著極有遊戲像徵意義嘅「鎖鑰」，作為一隻遊戲主題曲，呢隻碟可以話由外到內都落足心機。

事不宜遲，馬上同大家分享呢條 OP Trailer：