於 2016 年推出嘅《Persona 5》絕對係我當年最高評價 RPG，遊戲推出至今依然人氣高企，加上動畫播放嘅關係，令到好多朋友不斷落坑！

而喺呢兩年黎，隨住《真女神傳生 5》宣佈會喺 Switch 平台推出、Joker 又加入《大亂鬥 SP》成為 DLC 角色之後，坊間一直有傳言話《P5》及後續作品話唔定都會登錄 Switch 平台，不過呢個傳言今日正式打破了！事關幾日前 ALTUS 開放一個名為「p5r.jp」嘅網址域名，而今日就正式推出首條 Teaser 片段：

呢隻名為《P5R》嘅新作品遊戲繼續係登錄喺 PS4 平台的！雖然官方於片段中就提到「2019 年 3 月」先會推出進一步遊戲消息，或者係因為唔想將於 2019 年 2 月 14 日推出嘅旗下另一力作《Catherine Fullbody》被搶鋒頭？不過，《P5R》消息一公佈，各界《P5》Fans 馬上興奮起來了！

到底《P5R》係好似《P4 Golden》咁樣係加強完全版、定係全新續作，目前我地都不得而知；不過知道可以再有機會一睹 Joker 風采，作為 Fans 的我還是很高興的。

有最新消息再與大家匯報～