【另類人生目標】國外老婆婆熱愛玩《動物之森》遊玩時數居然超過 3,580 小時!

 

對於大部份 Gamer 朋友黎講,3DS 而家嘅吸引力一定比以前退減不少,不過 3DS 年代的確為玩家帶來唔少精彩遊戲,例如於 2012 年推出嘅《とびだせ どうぶつの森》。

呢隻《走出戶外 動物之森》喺北美於 2013 年 6 月份推出,美國獨立遊戲開發者 Paul Hubans 就喺 2014 年時將遊戲連同 3DS 送比當時已年過 80 歲嘅祖母,原本只係諗住等老人家有少少世藝。

前排,老人家同孫仔講部 3DS 壞左,Paul 就買過一部比佢,正當佢幫老人家過返啲 Save Data 嘅時候,佢發現……

 

佢發現佢祖母呢 4 年每日都有開 Game 去同村莊嘅 NPC 進行互動、努力經營,由 2014 年聖誕節開始,開 Game 次數有 2,531 次,總遊玩時數達到 3,580 小時!!

 

圖中就係 Paul 嘅祖母,有返一部新 3DS 之後佢又再次投入到遊戲裡面了……。

Paul 話四年前送機比老人家時,對方仲係咁話「咩黎架」「唔要呀」「唔識玩呀」,但係無諗過時間過去,祖母大人成為遊戲嘅資深村民,每日都期待喺村莊度同其他人講野,然後計劃自己今日要釣幾耐魚、要種幾多野……

而呢位祖母大人,今年已經 87 歲了;都市人繁忙,未必有時間去經常陪伴老人家,不過如果能夠為佢地搵到啲小小樂趣有所寄托,都絕對係一件事黎嘅!

順帶一提,Paul 本人其實係一位獨立遊戲開發者,佢早前製作嘅《The Indie Game Legend 3D》已經於 2018 年尾在 Steam 平台上架,有興趣嘅朋友可以留意下!

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章