一個遊戲好無玩，呢個問題嘅答案可以好主觀；但係，遊戲美術係咪靚，相信大家都會好容易取得共識。

遊戲系列《God Of War》系列嘅 Art Director Rafael Grassetti 先生實力就不容置疑，但係除左自家開發遊戲之外，原來佢都係任天堂遊戲 Fans，前排佢仲喺網上面公開左四張《任天堂大亂鬥》嘅角色同人畫，唯美程度叫人驚為天人！

呢一系列被 Rafael Grassetti hashtag 為「SuperSmashBrosRemastered」嘅 Fan Art 喺 IG 上面公開以來，大受網民歡迎驚嘆，所以本人亦都樂得繼續畫落去，佢仲會喺 IG 上面出預告，等大家期待下一個公開嘅角色添。

Rafael Grassetti 呢系列職人級嘅同人畫除左靚，亦帶出一個好有意義嘅訊息，就係就算已經係業界成員，但係唔代表容不下其他廠嘅遊戲，畢竟大家都是熱愛遊戲才投身呢個市場呀～（點頭）

有興趣嘅朋友記得 Follow Rafael 嘅 IG 等睇更多靚圖！