曾製作以中式恐怖為主題恐怖遊戲《返校》嘅赤燭遊戲（Red Candle Games）再下一城，繼續以 80 年代為故事背景，開發以「迷信」為故事大綱嘅《還願 Devotion》（詳文按此）
遊戲 2018 年七月嘅時候首次發放片花，詭異嘅畫面引發唔少玩家注意，而赤燭今次亦係第一次挑戰製作第一視點嘅 3D 恐怖遊戲，雖然對於第一視點苦手嘅朋友（例如我）黎講，呢種玩法真係……不過，片花中表現嘅陳舊而詭秘嘅氛圍，令到唔少恐怖遊戲愛好者一直對《還願》抱有強烈期待。
官方剛剛釋出最新遊戲預告片，並宣佈遊戲將於 2019 年 2 月 19 日率先於 Steam 平台上推出，而根據《返校》嘅做法，相信不久將來遊戲亦會轉移平台到其他家用機上面。
新 Trailer 裡面見到更多迷離不安嘅遊戲片段以及場景：
如果你本身偏細膽，或者對於傳統迷信恐怖嘅題材有異常敏感體質，請自行調低影片音量收看：
延伸閱讀：
【小心拜錯神】赤燭新作《還願 DEVOTION》3D 第一視點大玩八十年代恐怖迷信
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。