雖然《Zelda: The Breath of the Wild（薩爾達傳說 荒野之息）》作為 Switch 初登場時嘅遊戲，已經推出市面好一段時間，但係呢個可以話為近年開放世界 RPG 經典嘅作品，去到今時今日仲係有唔少新玩家慕名落坑。近乎無盡嘅世界，精細嘅戰鬥動作，靈活多變嘅探索元素，就算一早就爆左機都好，呢隻遊戲幾時拎上手玩，都仲係帶比玩家無限樂趣。
唔少 Fans 對於遊戲都抱有極大嘅愛，近日兩位網友 Youyang Kong 以及 Qianya Yin（無錯，係華人！）就喺 Youtube 上面分享咗佢地幾位朋友合力整嘅一條 Fan Made《Zelda: The Breath of the Wild》微型動畫，目前已經有超過 30 萬點擊！
動畫片長接近 2 分鐘，內容係 Link 利用反盾擊敗兩隻 Guardians，同時安慰受驚嘅 Korok。
呢條影片片長雖短，不過有玩過遊戲嘅朋友應該睇到頗有共鳴：畢竟啲 Guardian 真係好乞人憎，條 Laser 駛唔駛瞄得咁快咁準呀！雖然去到後期玩熟咗可以開無雙，然而初遇 Guardian 時我係試過擰轉身走的…… :0)
有興趣嘅朋友，我地一齊去片：
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。