【落坑注意】壽屋《MEGAMI DEVICE》X《武裝神姬》 獵兵型 EDELWEISS 開箱簡評

壽屋 (KOTOBUKIYA)由 《FRAME ARMS GIRL開始一直確立左佢地喺女體組裝模型上嘅地位,到佢地新系列《MEGAMI DEVICE (女神裝置)》推出左「朱羅忍者、弓兵」之後就更令到大家留意到壽屋嘅女體組裝模型真係喺製作、活動性同改造性各方面質素都越推越高。

2017 年年尾 Konami 公佈《武裝神姬》將會再次重啟之後,第一樣公佈就係同壽屋MEGAMI DEVICE》出合作產品,而第 1 彈就係啱啱開售嘅「猟兵型エーデルワイス (獵兵型 雪絨花 EDELWEISS)」,而今次亦係壽屋MEGAMI DEVICE》第二次嘅合作產品,對上一次就係同手機遊戲《アリス・ギア・アイギス (機戰少女Alice)》合作嘅角色吾妻 楓

猟兵型エーデルワイス (獵兵型 EDELWEISSBox Art 寫住 B1,意思當然係武裝神姬英文名 Busou Shinki

睇封面見EDELWEISS原設定嘅顏色都唔多,組件分色都已經齊色,素組都似乎都唔洗特別再上色,所以以下嘅所有圖片都只係素組嘅效果!手工唔太好唔好見怪orz

三個表情可以比大家選擇替換

除左部份組件已經上色,而且效果亦都非常不錯

加多張水貼比大家自己幫 EDELWEISS 「化妝」

今次特別一讚嘅係,終於都肯用到「隱藏水口」,對素組玩家一大褔音!

另一個改善嘅地方就係膊頭關節組件比前作更穩固,唔再郁郁下成隻手都飛出嚟

妖精耳朵 >w<

幾個鐘就將「素體模式」完成

EDELWEISS 身上好多位置都有類似皮革質材嘅衣飾,當然啲細節都喺出廠前有晒

「武裝模式」除左封面所見嘅步槍,仲有連接機械臂嘅四把長刀

機械臂嘅活動性非常高

用剩嘅組件仲可以比大家自由發揮

官方示範改造版本

配埋武裝就有種霸氣添


話就話售價6800円(約港幣 $487),咁當然其實唔洗啦!有興趣嘅朋友就自己出去留意下邊度有貨啦!未試過女體組裝模型又怕試素組唔靚嘅話,呢隻EDELWEISS試完我驚你返唔到轉頭!

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enought! Lego Enthusiast https://goo.gl/HRnxDW

追蹤

更多文章