【有錢就是任性】網易繼續入股家用機廠商《DETROIT: Become Human》公司 Quantic Dream 合作開始

 

2019 年開始無幾耐,各大廠商已經變動多多,以網易(NetEase)為例,網易去年年尾入股 1 億到 Bungie(《Destiny》公司),明言會合作研發新遊戲;然後同時與 Blizzard(暴雪)合作研發《 Diablo: Immotal》手機遊戲。

尋日,開發去年大熱遊戲作品《Detroit: Become Human》嘅 Quantic Dream 亦宣佈剛與網易達成合作協議,網易成為公司持權人,兩方將會合作推出新作品咁話。

Quantic Dream 仲用左一個非常特別嘅方式去宣佈呢件事,就係搵返《Detroit: Become Human》裡面嘅靚女 Android Chloe 做左一條片黎介紹呢個消息。

 

 

就咁睇以上三間公司嘅走勢,身為手機遊戲開發龍頭嘅網易(講緊新遊戲開發量,唔係講緊業績呀吓)似乎有極大野心想要喺家用機遊戲市場分一杯羹,佢地嘅總裁 Ethan Wang 亦都明言,公司下一步目標係繼續尋求有潛力伙計,共同開發次世代遊戲;所以,相信往後或者仲會聽到網易入股其他公司嘅消息。

知道呢個消息嘅網友,有部份人就即刻表示「哎呀 GG」,亦有人擔心各廠高會唔會喺有內地資金干預之下,為左迎合內地市場而令遊戲變得土豪化,甚至有人笑言「咁係咪要搵景甜做遊戲女主角模組?」

我地就對呢件事暫時抱觀望態度,有更多資金開發遊戲或者會係一件好事都唔定。

你地又點睇呢?

 

延伸閱讀:
【遊戲感想】《DETROIT Become Human》唔玩會後悔。2018 遊戲界最佳藝術品

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章