只要 Fans 夠熱情 重製《Biohazard 3》就有希望!

《BioHazard RE:2》不但成為近期大熱作品,而且更展示只要重製得好,自然會受玩家所歡迎。今次既重製版不但完全重新製作,採用切合現代既方式去重現舊作面貌,更有作出情節、設定改動,甚至加入原版無得比玩家使用既配角角色(軍火店老闆 Robert Kendo,浣熊市市長 Michael Warren 女兒,以及 Umbrella 未知成員),誠意十足。不過遊戲雖然出色,奈何遊戲長度始終有限,作為玩家跟住落黎自然就會想問「幾時有三代」,呢個問題製作人平林良章就正式回應大家!

 

新增內容「The Ghost Survivors」,玩家可以使用本篇中死亡角色遊玩

 

製作人平林良章係台北電玩展後既媒體訪問中,有提及到 Capcom 事隔 20 年先重製《BioHazard 2》,係因為知道 Fans 們既呼聲真係好高,為咗回應 Fans 既支持所以特別重製。同樣地如果 Fans 們想玩《BioHazard RE:3》的話,當然大家要再次集氣,比 Capcom 知道我地想要啲乜!

 

三代「緊急迴避」真係好好玩

 

當然除咗上述原因外,《BioHazard 2》同《BioHazard 3》都係發生係同一個舞台,時間軸亦都非常接近。係遊戲開發層面上有好多野唔洗重新做過,慳水慳力之餘又滿足到 Fans 們,相信 Capcom 都會識做既,不過可能又要再等多幾年咁啦……(不如順便叫埋重製 1 代同 Code: Veronica )

 

五木

五木 動漫電玩宅,極愛金田一系列,擅長動作及策略遊戲

追蹤

更多文章