【任天堂 x KOEI 共同開發】全新形象不忘初心之作《火焰之紋章風花雪月》 7 月 26 日上市

 

著名戰棋角色扮演遊戲系列《火焰之紋章》最新一個正傳續作作品《風花雪月》將於 2019 年 7 月 26 日登錄 Switch 平台;今次遊戲由任天堂以及曾開發《火焰之紋章無雙》嘅 KOEI 共同開發,所以戰棋模式裡面嘅動作部份質素非常精美。

 

 

《風花》遊戲裡面,玩家飾演嘅主角,身處之地比三個大國所包圍,而你嘅身份,就係「ガルク=マク大修道院士官學校」嘅教師。學校入面分為三個學級,每個學級各有三個關鍵學生需要你去訓練同培育。按目前所見「3」呢個數字似乎喺遊戲入面有特別意思,詳細故事就留待遊戲推出之時一齊探討。

今次《風花》除左育成要素,玩家同學生之間嘅交流亦會影響佢地戰場上嘅表現,呢種「學院」風格嘅玩法可以話係《火紋》系列嘅新元素。

 

 

《火焰之紋章》系列始於 1990 年,發展到 2005 年時系列一度被其他戰棋遊戲搶去鋒頭,而 NDS 上面嘅《火焰之紋章:新・暗黑龍與光之劍》以及《火焰之紋章:新・紋章之謎~光與影的英雄~》亦曾經被玩家質疑人物設定同畫風太不合時宜。後期《火紋》為左打破逆境大量作出新嘗試,例如係推出手機遊戲為任天堂帶來大量收益之外,玩法變得靈活以及增添時下流行系統元素,終於令《火紋》成功回歸受歡迎系列嘅行列。

順帶一提:今次《風花》人設由倉花千夏老師擔當,所以應該會吸納不少女性玩家(笑)

 

 

以下為遊戲最新宣傳片段:

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章