【等到頸都長】惡魔城之父新作《Bloodstained》 正式宣布今夏降臨!

 

橫向動作遊戲最具代表性既系列《惡魔城》絕對當之無愧,當中《惡魔城 X 月下夜想曲》更加係系列最高峰之作,而同樣由「惡魔城之父」五十嵐孝司製作既《Bloodstained: Ritual of the Night》。

自公布之後一直都係唧牙膏式放片出黎,本身話 2017 年推出然後又出唔到,不過係日前終於宣布將會係今年夏天正式同大家見面啦!

 

 

《Bloodstained: Ritual of the Night》既主角係一名被煉金術士詛咒,皮膚逐漸變成水晶既孤兒 Miriam,為咗解除詛咒而進入「惡魔城」去尋找召喚師 Gebel。係遊戲中 Miriam 可以使用水晶力量(即係惡魔城系列需要用心心既技能),亦都有唔同既武器及防具,係最新影片中仲展示左似乎有得 Chok 招。

 

 

《Bloodstained: Ritual of the Night》將會採用 2.5D 風格,即係 3D 圖像 + 2D 移動方式,不過係部份場景會轉換顯示方式。影片仲透露遊戲會有鍛造系統,感覺上頗為豐富。

《Bloodstained: Ritual of the Night》將於今年夏季正式發售,對應平台為 PS4、Xbox One、Nintendo Switch 及 PC。

五木

五木 動漫電玩宅,極愛金田一系列,擅長動作及策略遊戲

追蹤

更多文章