《Biohazard RE:2》電腦版驚現神 Mod 女角全部真空上陣!

又係《Biohazard RE:2》花邊野,不過今次就輪到 PC 版發功啦。大家都知乜 Game 出得 PC 版都預咗有一大堆 MOD 去「強化」隻遊戲,大熱既《Biohazard RE:2》當然都唔少得呢樣野啦!呢個 MOD 幫一眾女角變晒清涼版,全部一絲不掛真空上陣,而且模組亦都做得好細緻,我都忍唔住用「欣賞」角度睇咗一段時候!暫時就有女主角 Claire 同 Ada Mod,直接係 Google 度打「Claire Nude Mod」、「Ada Naked Mod」就會搵到,我就唔方便放 Link 啦,至於另外一個女角 Sherry 就仲未有……不過呢位角色我就唔係希望會出,放過小朋友啦好嘛?

 

 

而男角果邊,Leon 就暫時未有露肌肉既裸露 Mod,不過想睇男角既朋友又唔洗咁快失望住,因為另外一位男角都以性感造型登場,呢位就係……「Mr.X」!安裝「Beachboy X」呢個 Mod 之後,Mr.X 將會以黑超+踢拖+泳褲既一身沙灘造型出現,而且條泳褲上面仲有個 Umbrella Logo,真係好鬼死 Cute Cute!

 

Hey! Baby !

 

當然除咗改外觀 Mod 之外,仲會有啲將敵人變成隱形既 Mod、加強 HDR 效果既 Mod 等等,有興趣既朋友不妨自己搵下。而早前將隻 Game 變返舊版用 Fix Cam 既 Mod 就仲未有得 DL,遲下有的話我都想用呢個視點再玩一次。

滅盡殺手

重度魔物獵人中毒者,歷代遊玩時間破億分鐘!

追蹤

更多文章