【有片】超恐怖鼠疫遊戲《瘟疫傳奇:無罪》 成地老鼠你頂唔頂得順?

今年 E3 曾經公布咗一隻叫做《瘟疫傳奇:無罪》(A Plague Tale: Innocence)既遊戲,我地都有做過相關報導。可能因為太多大作既關係,呢隻遊戲並無受到太多注意。不過係琴晚遊戲發行 Focus Home Interactive 就放咗條新故事預告片出黎,似乎除咗畫面震撼之外,故事同樣出色。

 

 

《瘟疫傳奇:無罪》既故事發生係中世紀 1349 年間既法國,因為百年戰爭以及爆發鼠疫所以整個國家處於非常混亂既狀態。而主角 Amicia 以及弟弟 Hugo 因為不明既原因而被教會追捕,而玩家當然就要盡力令姐弟們逃離呢場浩劫。

 

二姐弟要係咁既環境下逃生,諗起都覺得辛苦

周地都係老鼠,下面條 GamePlay 片仲會有啲核突野……

畫面表現非常出色,黑色果堆全部都係老鼠黎

 

遊戲最令人震撼既,就係滿佈整個畫面既老鼠,除咗非常之密集好嘔心外,老鼠仲非常之有侵略性,會主動成群衝去咬死活生生既人。而玩家對付老鼠既手段就係依靠微弱既火光,老鼠堆見到火光就會退開……小小,同時遊戲仲包含大大小小既謎題,唔係淨係得 Gimmick。係之前 Gamescom 既試玩片段中仲睇到驅趕老鼠呢 Part 係做得非常之細緻,相信女性玩家應該唔係好頂得順。(睇下推出之後有幾多女仔會挑戰直播呢隻 Game)

 

 

《瘟疫傳奇:無罪》預定於 2019 年 5 月 14 日發售,對應平台 PS4 / Xbox One / PC。

五木

動漫電玩宅,極愛金田一系列,擅長動作及策略遊戲

追蹤

更多文章