【啲圖會唔會變晒聖光?!】LEGO Ideas 《小熊維尼》主題樹屋

LEGO Ideas 呢個平台比大家投稿上去搵夠支持者,過得官方產品審核嘅話,正常就可以出到產品。不過呢兩日見到個投稿的確唔錯,不過過唔過到審就要睇下有冇「強力人士」干預結果啦(笑)!不過出得嘅話,應該冇老翻廠敢整吧(奸笑)!

事關有玩家砌左套真係非常出色嘅《小熊維尼》主題樹屋上去 LEGO Ideas 度等大家支持,一擺上去當日就已經達成第一步爭取到多一年嘅支持期限,而且短短三日就已經收到六百票支持,而且見到外國大量支持者留言話不論樹屋定角色都靚得想官方即刻推出。

就咁睇落件數唔多,但還原度非常高

屋頂打得開,方便睇到內部結構

屋內傢具齊全

屹耳同跳跳虎係砌出嚟之外,豬仔、瑞比同維尼都係 Minifigure 嚟架

新 Update 會唔會更啱大家心水?

仲有貓頭鷹

其實 LEGO 喺廿年前就已經出過《小熊維尼》主題產品,不過一直只係以幼兒向嘅 Duplo 系列生產,而最後一次出現已經係 2011 年!之前所講嘅咩干預結果都只係搞個笑,但如果你都有份童心想用 LEGO 整返個《維尼與我》,咁就記得去下面嘅傳送門投票個支持啦!

Winnie the Pooh LEGO Ideas 傳送門

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enought! Lego Enthusiast https://goo.gl/HRnxDW

追蹤

更多文章