《超音鼠》真人電影意外洩密 新造型睇見真係打個突!

之前宣佈《超音鼠》呢個世嘉經典角色將會開拍真人版電影,大家聽到都咪話唔驚,事關真人化電影十居其九都係直昇機黎(伏伏伏伏伏)。而且根據佢地之前外媒公開既電影海報,即使見唔到個樣都 Feel 到果浸濃郁既伏味,點知最近廣告公司意外洩露咗《超音鼠》真人電影個造型仲得人驚!

 

當時公開既電影海報 ,雖然睇唔到個樣,但係見到呢對腳,再加埋對運動鞋……喂好恐怖

 

廣告公司 Hamagami / Carroll,Inc 係今日較早時間意外洩露《超音鼠》真人電影《Sonic the Hedgehog》既電影海報、全身圖以及風格指南,係原文上面仲講明「係不放棄核心本質前提下,對品牌既全新現代睇法」,咁實際上大家觀感如何,我諗唔洗我多講啦。

 

 

其實之前公開話有真人電影果陣,就有好多網友 PS 改圖,感覺上好似仲特別啲添,唔知大家見到而家隻超音鼠仲有無興趣入場呢?

 

都幾 Cult 丫

 

滅盡殺手

重度魔物獵人中毒者,歷代遊玩時間破億分鐘!

追蹤

更多文章