仲記得前一排出 42096Porsche 911 RSR嘅時候，我介紹過有個將 LEGO 車改裝遙控嘅高手 Mäkkes Schindler 咪搞左架遙控波子嘅，啱啱出冇耐嘅 10265 Ford Mustang 佢又改左個遙控版啦！

不過今次問過 Mäkkes，要喺唔影響車型結構下改遙控版本，而且 10265 Ford Mustang 本來嘅內籠都已經用盡所有空間，所以今次嘅改造難度非常之高，因始佢都需要加上六十幾件組件先可以完整將車內改到放得到電箱、摩打等等嘅遙控組件。Mäkkes 話已經盡可能將外加嘅件減少，同時因為只係加落去內在結構，所以啱件唔啱色都完全冇問題！

亦問到如果改用新系統 Powered Up 去改造會唔會有更好嘅效果，但 Mäkkes 話因為 Powered Up 暫時都未有 Servo Motor，所以就算有好嘅接收效果都暫時唔會改用新系統。

雖然原版嘅 10265 Ford Mustang 已經無乜可以挑剔嘅地方，但如果你係想挑戰下非 LEGO Technic 系列改遙控後嘅效果會係點，咁你就去下面嘅傳送門，買份製作書睇睇啦！

遙控版 10265 Ford Mustang 製作書傳送門