【倒數迎接】見到好多 Boss 級角色《隻狼 SEKIRO》三分鐘多方位窺探遊戲內容片段登場!

 

即將於 2019 年 3 月 22 日上架嘅 FromSoftware 強大力作《隻狼 SEKIRO》,有留意我地網站嘅朋友,應該都會發現我地編輯部期待同埋力推呢隻遊戲嘅地步,簡直係熱情到令人懷疑我地係收左廣告費黎做野(我都想有呀…)

無論係頭目消息抑或幾次媒體先行試玩,我地總編森麻都親身去試去體驗;根據佢多年機齡以及對《Dark Souls》系列熱愛嘅程度,套佢嘅講法,《隻狼》有可能比《DS》更加難玩,想回顧返我地之前報導嘅新聞同埋心得,以下係文章連結整理:

 

《隻狼:暗影雙死》獎盃列表意外流出 標示多重結局數量
【試玩評測】遊戲推出前終極一試 《隻狼:暗影雙死》媒體試玩只有一人挑戰成功
《隻狼:暗影雙死》採用一貫敘事風格 從零碎情報拼湊故事面貌 

更多文章按此

 

《隻狼》今日正式推出 Launch Trailer,片段歷時約三分鐘,如果你覺得睇文字太煩或者太抽象,咁請你務必要睇呢條片,除左有故事概覽,仲有主角好多動作上面嘅遊玩示範,最重要嘅係可以窺探到好多前期頭目嘅大概!

 

 

呢條片今日上架至今,目前已經錄得接近 16 萬次觀看次數,可見各地玩家對《隻狼》都抱有好大期待;不過遊戲真心難玩,亦需要好多動作攻擊技巧,到底有幾多玩家「捱」到最尾呢?

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻!

追蹤

Facebook 更多文章