【巫師 Go】《Harry Potter Wizards Unite 哈利波特:巫師集結》隨街企喺度魔法對戰超中二

 

早前同大家報導過《Harry Potter》將會推出一隻 AR 實境及勁似《Pokemon Go》嘅手機遊戲《Harry Potter Wizards Unite(暫譯「哈利波特:巫師集結」》,最近官方就公佈更多遊戲資料同埋截圖。

玩家去到邊都會有機會遇到屬於魔法世界嘅物品或碎片,你除左要施法將呢啲野收集之外,仲會有機會遇到食死徒或者其他巫師嘅襲擊。因為係 AR 嘅關係,遊戲成功融合現實與魔法世界,中二少少都真係會以為自己做左巫師。

 

仲可以升級學更多魔法

 

以下係遊戲試玩嘅片段:

 

 

 

唔知呢隻遊戲喺香港會唔會掀起新一輪上街熱潮,不過因為要企喺條街度玩嘅緣故,其實個畫面想像到都幾中二病的,不過作為巫師,少少恥力算得係乜野,係咪先!

遊戲預計 2019 年內推出,對應 iOS 及 Android 平台。

 

相關文章:
【巫師 Go】全新實景定向手遊《Harry Potter Wizards Unite》保護魔法世界不被麻瓜發現

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻!

追蹤

Facebook 更多文章