【產品評測】BenQ Zowie 特別版電競滑鼠套裝 白色情人節送禮首選

電競呢樣野越黎越多人認識,電競相關既產品亦都出得越黎越專門。BenQ Zowie 作為電競大牌子,佢地既電競屏幕同電競滑鼠一直都係頂級職業電競選手既指定配置。最近佢地仲考慮到越黎越多女性玩家加入電競行列,推出專為女性而設既特別版滑鼠套裝,黎緊既白色情人節作為回禮絕對有得諗!

 

 

唔係留意開電競既朋友可能對 BenQ Zowie 呢個牌子咁熟悉,佢係電競事業蓬勃既歐洲擁有非常高銷量以及使用者,並且係台灣品牌黎。有趣既係佢地內部有好多員工都係退役既 FPS 遊戲選手,當中又以 CS:GO 佔多數,所以佢地非常之了解玩家,甚至係選手們需要啲乜,亦都係產品上表現出黎。最利害既係有實際數據支持,以 CS:GO 為例,佢地有統計職業選手使用既硬件配置,榜上大部份職業選手都係使用 BenQ Zowie 既電競屏幕同電競滑鼠,證明品牌真係得到職業選手既認可!

 

世界前六名職業選手都係使用 BenQ Zowie Mouse 同屏幕(詳見 https://csgopedia.com/csgo-pro-setups/

 

今次我地介紹既係 EC-B 系列,而 BenQ Zowie 既滑鼠因為主打「真•人體工學」,所以佢地全部型號都有 2個或以上尺寸選擇,務求要用家用得最舒適。係呢度亦都要提下大家,正常黎講用滑鼠都會有平放同抓握二種方式,購買時需要考慮埋平時使用習慣,所以建議去啲有得比你拎上手試既舖頭購買,例如 2000Fun 呢類店舖。而 EC-B 系列有二個尺寸,EC1-B 尺寸比較大,拎上手感覺比較穩,而 EC2-B 就細隻啲,感覺上就比較靈活啲。

 

粉藍色係 1B,粉紅色係 2B,可以見到 Size 上有小小分別

握 Mouse 既二種手法

 

跟住就講下呢隻滑鼠有咩優點,其實佢最大既賣點就係「簡潔」。

一般黎講電競設備都會添加好多額外功能,例如有 RGB 燈、 多按鍵等等,當中亦有唔少評價幾好的,但係往往會忽略好多基本既元素,例如:重量。

一隻重手既滑鼠,長時間使用的話會對手部造成額外既負擔,嚴重的話仲有機會受傷,所以你好少話會見到職業選手會用一隻重身既滑鼠。而 EC-B 系統就針對呢點,係輕量化上面做功夫,令到滑鼠淨重 90g (EC2-B) 及 94g (EC1-B) ,使用上極為靈活。

 

官方網頁亦有清楚列出重量及尺寸

 

中間滾輪有十六端刻度,每一格感覺非常明顯,手感強烈。二邊按鍵回彈力適中,按鍵軟硬度設定拿捏得非常準確,即使非電競用途亦頗為合適。

 

刻度感覺極強烈,即係用起上黎一格格既感覺好分明,唔打機用黎做文書都一流

 

作為電競滑鼠,可以自定 USB 回報率同 DPI 係基本野黎,反轉隻 Mouse 就會見到調整鍵。USB 回報率分別有 125 / 500 / 1000 調教,理論上數值越高代表滑鼠指標移動會越平順穩定。 而 DPI 就有四段可供調教並有顏色燈顯示,分別係:400(紅色)/ 800(紫色)/ 1600(藍色)/ 3200(綠色),理論上 DPI 需要配合顯示器解析度黎調整,越高解析度就需要越高既 DPI,簡單講就係越高 DPI 既滑鼠需移動距離就越短,亦即係使用起黎無咁辛苦。(當然過高亦都未必人人適合,所以有得比用家自己調教)

 

底部有 2 顆按鍵,可以調整 USB 回報率及 DPI,另外鼠貼材料用 PTFE,非常順滑,就算用舊咗都無問題,因為原裝會跟多一組鼠貼比你

 

不得不提 EC-B 系列佢個光學讀取頭係使用 PixArtPMW3360,呢個係屬於最高階既光學讀取頭,加上 Zowie 出名調整到最好先出廠,所以唔洗話 Update Driver 先有最佳設定果啲麻煩野,買返黎直插就用得。(順帶一提 Zowie 滑鼠係免驅動程式,即係無論咩機直插就用得)

 

特別版 DIVINA 粉藍色

特別版 DIVINA 粉紅色

 

 

總結:
BenQ Zowie EC-B 系列絕對屬於市面上最佳既滑鼠之一,整體使用極為靈活、順手,被眾多 FPS 電競選手所追捧絕對有佢理由。即使唔係電競用途,一般辦公室都需要長期使用滑鼠,一隻用起上黎順手,真人體工學既滑鼠對你隻手仔都好啲,女性尤甚。而且今次推出既 Divina 版本配色針對女性用家,係外國推出時果陣仲曾經一度賣斷貨,正野無誤。(原來佢地仲係 IEM、ESL、MLG、ESEA、DreamHack、GSL、ESWC、PGI 等世界大型電競賽事主辦單位認可,好堅!)

就黎到白色情人節,雖然正路就係女方回禮比男方,不過錫女友既買返隻黎氹女友又何妨呢?

 

而家買仲有連 Mouse Pad 套裝

Mouse Pad 尺寸:470mm x 390mm, 3.5mm 厚

材質非常順滑,好好摸

 

EC-B 系列特別版 DIVINA 官網傳送門

購買可到 2000Fun 門市或網站