《Biohazard RE:2》再創業界新玩法 嶄新 DLC「內容」助你節省時間

《Biohazard RE:2》出咗都幾個月,有玩既朋友都應該爆晒機,不過據聞唔少對動作遊戲唔係咁擅長既朋友打表關已經打得好吃力,都唔好講話完成埋裡關。想解鎖無限字彈武器又需要達成指定成績先得,搞到無乜心機再打落去咁話。有見及此,佛心既 Capcom 特別為呢班玩家推出一個新既 DLC,而呢個 DLC 既「內容」係非常特別的!

 

 

今次呢個 DLC 既「內容」並唔係新劇情、加入新角又或者係新遊戲模式,而係幫玩家直接解鎖原本需要達成條件既特別獎勵,即係無限彈衝鋒槍、無限彈火箭炮等等。除咗武器之外,原本需要通關表、裡先會出現既「第四生存者」模式,同埋「豆腐生存者」模式都會一併解鎖,另外仲會有埋服裝、美術圖同埋模型。

 

 

呢個 DLC 包既野對可以玩到 S 級通關既玩家黎講當然係多餘,不過對動作遊戲苦手又或者無乜時間褒 Game 既人黎講可謂恩物,盛惠 HKD $38 (PC) 就搞掂。

 

五木

五木 動漫電玩宅,極愛金田一系列,擅長動作及策略遊戲

追蹤

更多文章