上年 11 月樂高樂拼訴訟案樂拼敗訴之後，大家好似冇聽過大陸公安打擊樂拼嘅相關消息。不過今日經警民直通車官方微博公開消息，由2018年至今，已經偵破左呢啲做假貨銷售案件有 800 幾宗，捉到嘅犯罪人超過 1600 人，涉案總值超過 25億元人民幣。

而喺今個月 23 號亦摧毀以「龍軍玩具廠」之名註冊「樂拼」商標嘅生產廠房，搗毀生產、包裝、儲倉 3 個地點，淨係流水式生產線當中都有十幾條，繳獲生產翻版產品模具有九十幾塊，成品「樂拼」玩具超過 63 萬件，呢度嘅涉案金額都超過 2 億元人民幣。

今次呢呢個消息比大家睇到大陸公安對「樂拼」呢個侵權品喺「樂拼」敗訴後真係開始做野，但有跟開報導都知其實汕頭先係之前敗訴嘅總部，不過呢個絕對係非常值得鼓舞嘅一大步。