家傳戶曉嘅遊戲系列《Super Mario》相信係唔少朋友居家必備嘅遊戲之一，遊戲入面角色眾多，而當中人氣極高嘅「超級菇（スーパーキノコ）」大家又有無諗過佢喺現實中亦都係真實存在嘅呢？

「超級菇」係紅傘白點嘅菇，雖然喺遊戲中圓碌碌好得意，不過，喺現實中，其實毒到飛起！呢隻紅傘菇學名叫做「Amanita muscaria」，中文譯名「毒蠅傘」，日文名就靚啲，叫做「紅天狗茸」。雖然毒性不致死，不過「毒蠅傘」會令食用者產生強烈幻覺，喺某啲國家嘅宗教信仰入面，亦會用「毒蠅傘」入藥作為體驗嘅一種。

雖然有人話將「毒蠅傘」過好多次水煮熟、去哂毒素就可以進食，不過天下間可以安全進食嘅菇類有咁多，大家想感受「毒蠅傘」不如都係返去《Super Mario》世界同超級菇玩算啦！