【硬件評測】NETGEAR 入門級電競 Router XR300 品質高又抵玩

上網打機已經係機迷生活既一部份,而隨住電競越黎越備受重視,周邊配置亦都越黎越專門。

講到上網,最重要既當然係網速!唔好以為淨係條線、買貴 Plan 就得,好多人都忽略咗隻 Router 其實都要定期型號 Update。最強 Router 廠 NETGEAR 最近就推出一隻同樣有 DumaOS 系統既入門級電競 Router XR300,我地梗係立即玩玩佢!

 

 

先講講個 Spec。XR300 採用 1.0GHz 雙核心處理器,128MB 快閃記憶體同 512MB RAM,支援 802.11ac Wave2,內建 Beamforming+ 技術,機身備有 GbE 級 1 WAN 4 LAN 連接埠,附帶 1 組 USB 擴充埠。

雙頻制式三空間流連線能力 2.4GHz / 450 Mbps + 5GHz / 1300 Mbps, 3 天線串流 MU-MIMO,可達到 AC1750 雙頻高速傳輸。

雖然話係入門級,但係規格上絕對唔失禮,甚至比起部份品牌高階型號用料更好。

 

後面插位唔算多,不過一般用家正常黎講都夠用

 

除咗 Spec 之外,NETGEAR 電競 Router 最吸引既地方,就係佢地既 DumaOS 電競優化系統,以及獨家既 Geo-Filter、QoS 技術。呢二個功能都完全係為咗打機而設,加上設定超級簡單,電腦盲都絕對搞得掂!

另外有點非常重要,XR 系列第一設定係唔需要插線落 Router 的,只要用 Wi-Fi 就可以入到去 Router 頁面,而且唔一定要用電腦,用電話都可以,極為方便。

 

 

流量優先順序 QoS管理機制

XR300 已經預設開啟 Anti-buffer bloat 呢個  QoS 管理機制,佢會自動偵測使用緊既設備係咪打緊機;如果係的話,就會將遊戲既網路流量做「最高優先順序」,確保最低遲緩及穩定既遊戲體驗。

我地測試時就試過同時開 BT 下載,打機果邊都仲係保持住 21ms 左右低延遲,效能令人滿意,而且唔需要繁複既設定,買返黎就已經係預設咗打機優先,極之貼心!

當然如果大家想自己控制頻寬都可以的,喺設定度有得 Set 埋其他設備「最大下載與上傳速度」,以後屋企網速自己話事,講野都大聲啲阿!

 

設定超級簡單,只要係拉右邊圖表上既圓型就可以設定每個裝置使用頻寬

係裝置管理員入面,清晰地顯示連接網路既每一部裝置,連瀏覽緊社交網站、聽緊歌等資料都有顯示

 

Geo-filter 控制伺服器與對手

XR300 另一個重點功能:Geo-filter。系統會根據地理篩選功能,計算你同對手雙方遊戲伺服器既距離,去自動選擇連線至距離最近既遊戲伺服器,確保降低雙方網路遲緩問題。

另外可以自由篩選你喜歡或討厭既玩家同伺服器,Blacklist 定啲假低 Ping Server,咁以後打都打得爽好多啦!

 

設定超簡單,只要係「Add Device」加入你用黎打機部機就搞掂

內置各大熱遊戲預設設定,揀啱自己玩既遊戲就自動幫你連最近 Server,將 Lag 機情況降至最低

 

預設 VPN 唔洗搵餐死

大家玩某部份限區域遊戲,又或者想睇某啲限區域影片,就需要用到 VPN 服務,一般黎講都係要自己去搵提供 VPN 服務網站,再入落 Router 度 set 個 VPN 先用得。不過 XR 系列都會內置一個極龐大既 VPN 資料庫,你只需要入去揀想用邊個 Server 就得,極方便!

 

內置 VPN 資料庫,揀啱就用得唔洗自己上網搵

 

總結:

NETGEAR XR300雖然係入門級別,但係規格以及定位,已經係其他牌子中高階水平,所以唔好見到「入門」二個字就以為比較遜色,感覺上更接近以入門價吸引買家嘗試高質網絡環境享受(然後買更高級 Model)。老實講,千零蚊有呢個硬件配置、再加埋強大軟件配合,仲要係美國著名 Router 品牌,唔揀佢,唔通揀啲個個月要 Reset 既垃圾品牌咩!

最後我以用家身份好真心咁同大家講句:用完 NETGEAR 我真係返唔到轉頭(XR700 用家),千零蚊有得玩隻咁勁既 Router,抵到爛!

網上購買傳送門

 

森麻

Avatar VJGamer總編,細細個已經蒲機舖,機齡甚深,熱愛電玩文化。

追蹤

Facebook 更多文章