LEGO中國傳統節日風大勢之下 襯早學定點砌舞獅賀新年

今年 3 個月吹一次嘅 LEGO中國主題Set,仲賣緊嘅龍舟競賽你又買左未先?不過講返過農曆年嘅時候,團年飯同舞龍之外,我地最常見嘅舞獅 LEGO 官方產品就冇見到。不過唔緊要,香港高手咁多,其實一早就有人砌好教學,不過啱啱再出多個更精緻嘅版本比大家跟住砌。

好早就留意到 Max 嘅作品,雖然佢唔算係一個多產嘅創作者,不過佢一系列嘅不對稱童話小屋就更令大家驚嘆,有時佢亦會有啲教學同心得放喺佢嘅 Flickr 同 Youtube Channel同大家分享。

不對稱童話小屋

過年砌返個吉

上年 2 月佢就已經出過一個舞獅嘅教學,但係 Max 似乎對個獅頭仲有啲諗法,結果就將最新版本嘅製作過程同 Part List 都放左出嚟比大家分享。淨係個新獅頭都已經有 1.0 嘅三份之二件數,依家夾夾埋埋齊頭 300 件組件,不過大家放心絕對唔會頭重腳輕支撐唔到,因為獅身所用嘅關節 Ball Joint都完全夠力撐起並且擺到唔同姿勢。我就身先士卒執左一份組件,計埋都只係百鬆啲港幣就搞得掂。

如果你都想襯早整定咁靚咁生動嘅舞獅,咁就要快手去下面嘅傳送門搵教學同執件砌啦。

Lion Dance 2.0製作說明傳送門

外國網友brickmodified直頭跟住 Max 嘅砌左唔色獅,你仲唔快啲砌定?!

阿九

打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast //goo.gl/HRnxDW

追蹤

更多文章