中世紀多人互劈攻城遊戲 《MORDHAU》戰場上梗係玩圍毆!

中世紀冷兵器互劈不嬲都有種魔力,講到呢樣大家第一時間應該諗起《For Honor》,不過介紹既就係另一隻遊戲《MORDHAU》,事前大家都走漏眼,勢估唔到呢隻原來係好野黎。推出短短幾日已經銷量高達 50 萬,仲拎埋 5月首週 Steam銷量榜冠軍添!

 

《MORDHAU》係一款以中世紀為背景既多人連線動作遊戲,玩家係遊戲中使用冷兵器互劈,亦都可以使用弓箭執雞。另外係戰場上仲可以騎馬(雖然係馬上既攻擊非常強勁,但係馬匹有移動有慣性,唔係咁容易一騎當千),仲可以使用發石車呢類攻城武器。最大支援 64位玩家同場對戰,唔鐘意對戰既玩家亦可以選擇 PVE 模式。

 

騎馬雖然勁,但係操控並唔容易

 

 

《MORDHAU》既打擊感表現不錯,但係畫面表現就比較一般,而且各武器平衡度有待改進。現時遊戲有唔少 Bug 存在,不過官方就表明會修復相關問題,同時亦都製作緊新地圖、研究開放排位競爭模式、角色自訂選項、新裝甲新武器等等,算係幾盡責。

 

 

《MORDHAU》已經推出,價錢只係 HKD $129,叫做抵玩,暫時只有 Steam 版本,有興趣既朋友一齊加入劈友啦!

 

 

《MORDHAU》Steam 傳送門

 

五木

五木 動漫電玩宅,極愛金田一系列,擅長動作及策略遊戲

追蹤

更多文章