【有電腦就掂】 設計自家LEGO作品 三大軟件幫到你

好多朋友仔成日見啲 LEGO 創作者好厲害砌到好多唔同大大小小嘅作品,大家都問到「邊有咁多錢買磚買件啊?」其實世界上好多高手都唔係一堆件擺喺面前就可以砌到自己心中想砌嘅作品。以畫畫做例子,大家都會起左稿先啦係咪?喺 LEGO 創作作品嘅世界其實都一樣,大家都會用電腦去起左稿先,完成個稿再慢慢跟住稿入面嘅 Part-List 去執件實現作品。今次就介紹幾個免費實用嘅 Software 比大家試下開展自己嘅創作之路。

  • LEGO Digital Designer – PC / MAC

LEGO 官方推出嘅設計用 Software,Mac同 PC 版都有,易上手易自學,不過 2017 年後就冇更新過,好多新件都冇得用。

  • Stud.io 2.0 – PC / MAC

應該係全球最多人用嘅 LEGO 設計軟件,使用介面比較上 User-Friendly,支援埋其他 LEGO 設軟件嘅 File。加上有全球最大嘅 LEGO 交易網喺背後支持,入面嘅組件資料更新非常快。

  • LDraw – PC

相對比較專業嘅 LEGO 設計軟件,多附加工具比使用者自行配搭修改,而且有大量相關資源同教學可以喺佢地嘅網站輕易搵得到。

如果大家真係想學,但要自己睇幾十版英文教學又懶嘅話,依家有個機會幫到你。5 月 11 號佐敦 Let’sGo 搞左個工作坊,請左之前砌 LEGO 仙女座號嘅製作者 Lysander,教大家用 LEGO 設計軟件 LDraw 去拼砌作品,並且學埋完成之後點樣可以排埋 Part-List輕鬆執埋件。

有興趣嘅朋友就自己 WhatsApp 去 95784642 或去佢地嘅 Facebook 查詢詳情啦!

 

阿九

打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast //goo.gl/HRnxDW

追蹤

更多文章