【遊戲新聞】8 人 Raid 難度超高《Division 2》PS4 版本推出三日後先有人通關成功

 

大熱遊戲《Division 2(全境封鎖 2)》於 5 月 17 日已經於全球推出 8 人 Raid 聯機副本《Operation Dark Hours(黑暗時刻行動)》,Ubisoft 早前已講明呢個副本難度極高,我地編輯部實測過後,亦都真心感受到副本敵人嘅威力強大……。唔知各位朋友攻略成點?

國際上面厲害玩家極多,PC 版本玩家首次通關,係喺副本推出 5 小時之後;而根據遊戲中 Leader Board 嘅資料,似乎 PS4 以及 Xbox 平台能夠成功破關嘅玩家,就喺副本推出三日後先至出現。

 

 

攻略片段一出之後,成功通關嘅玩家人數亦都緊接上昇;而家呢個 Raid 已經成為唔少 Speed Runners 嘅最新挑戰目標!至於時間方面,外國玩家一致認為使用鍵盤滑鼠嘅 PC 玩家,可以比起使用家用機手制嘅玩家,更加精密地掌握射擊角度以及走位,所以 PC 版以及 Console 版嘅通關速度先會有咁大分別,唔知大家又認唔認同呢?

 

 

不過,本身要搵齊 8 個人一齊同時打機已經難,又因為呢個 Raid 難度高,所以要搵齊 8 個朋友(兼唔可以係豬隊友)嘅玩家一齊攻略就更加難!我地編輯部而家就經常面對唔夠腳打機嘅問題……

有興趣挑戰呢個 Raid 嘅朋友,【呢篇文章】可以幫你對呢個副本有第一步了解~。

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻!

追蹤

Facebook 更多文章