【官方出手】Valve 宣布推出自家《刀塔自走棋》

係香港《DOTA 2》一直都唔算太高人氣,但係自從《刀塔自走棋》(Dota Auto Chess)呢隻衍生小遊戲出現之後,令到呢個遊戲人氣突然爆升,最誇張果陣訂閱人數突破 400 萬人,更直接刺激《DOTA 2》既在線人數,搞到有一段時間《DOTA 2》成日 Lag 機。而呢隻咁爆既 Game 終於獲得 Valve 青睞,推出自家官方版本既《刀塔自走棋》!

 

本身既《刀塔自走棋》係由巨鳥多多工作室製作既《DOTA 2》衍生小遊戲,但係由於隻 Game 太爆關系,連 Valve Dota 團隊都成日玩。係官方公告入面有提到,Valve 本身係打算同巨鳥多多工作室合作,製作官方版本的自走棋,但係因為種種原因令到雙方無法達成協議,最終分道揚鑣。

雖然係咁,但係佢地因為雙方都非常喜愛《DOTA 2》呢隻遊戲,所以佢地雖然會各自開發自己版本既《自走棋》,但同時亦都會全力支援對方。而巨鳥多多工作室已經推出咗手遊《自走棋》beta版,而且 Valve 亦都幫佢地將之前玩家既帳戶資料轉移過去,超佛心!

 

 

當初《DOTA》其實都係《Warcraft III》入面既一隻衍生小遊戲,後來先變成而家既《DOTA》,相信係基於同一原因,Valve 團隊都想幫助返境況類似既巨鳥多多工作室。目前 Valve 自己版本既《刀塔自走棋》尚未有具體消息,但係正常黎講都會有 PC 版同手機版,而且名字好大機會叫做《DOTA UNDERLORDS》,因為佢地之前已經註冊咗呢個商標,而且歸類為遊戲軟件、電子遊戲軟件以及電玩遊戲軟件分類下,希望 E3 時會有進一步消息披露。

森麻

Avatar VJGamer總編,細細個已經蒲機舖,機齡甚深,熱愛電玩文化。

追蹤

Facebook 更多文章