《多啦A夢 大雄的牧場物語》試玩版上架 同大雄一齊耕田啦!

陪住唔少人成長既《牧場物語》最新版本《多啦A夢 大雄的牧場物語》(ドラえもん のび太の牧場物語)就下個月先出,不過今日係任天堂 eShop 就已經有試玩版比大家下載,仲未決定買唔買既朋友不妨 DL 試下先!

 

 

《多啦A夢 大雄的牧場物語》由 Bandai Namco Entertainment 發行,同系列以往作品一樣,遊戲主要係玩經營農場同小鎮。不過今集既然同《多啦A夢》合作,玩自然會同多啦A夢、大雄、胖虎等角色合作互動,而且多啦A夢既各種法寶都會登場,非常過癮!

 

 

至於遊戲試玩版玩家需要前往日版任天堂 eShop 先有得下載,同時支援語系只有日文,不過官方早就表明遊戲會支援繁體中文,相信到正式版時就會有返。

 

 

《多啦A夢 大雄的牧場物語》Nintendo Switch 日文版預定於 2019 年 6 月 13 日推出(注意日版不支援繁中字幕),如果想玩繁體中文版就要等到 7 月 25 日啦,至於 PC Steam 版本就預定於今年秋季推出。

 

五木

動漫電玩宅,極愛金田一系列,擅長動作及策略遊戲

追蹤

更多文章