【遊戲新聞】PS4 派對人數提升 新系統測試人員申請開放

好多時一班朋友開 Party 打機都會面對一個問題,就係 Party 最大只能夠容許八人加入,爆咗 Party 其他朋友想入黎吹水都唔得,其實都幾唔方便。加上最近《The Divison 2》更新八人 Raid 之後,呢個問題就更加明顯。有見及此,Sony 將會於美國  Server 測試新系統,提升派對最大人數到 16人!

 

 

Sony 日前係佢地 PlayStation.Blog 度宣布,將會展開新 PS4 系統軟件 Beta 測試,並且邀請玩家參與呢個測試(名額當然有限),係呢個版本嘅系統除咗會將派對人數提升到 16人之外,仲會改善語音聊天音質以及網絡連接品質。不過有樣野就需要注意,如果幸運地抽到你做測試人員的話,你將無法同非測試人員嘅朋友一齊進入同一個派對又或者共享遊戲。 但係當你成為測試人員時,Sony 會比多 20 條 Code 你,等你可以 Share 比班 FD,然後你就只可以同呢 20 個朋友一齊入派對……直到永遠……(本測試只接受美國或日本 PSN 登記)

 

 

其實 Xbox One 遠在 2015 年已經將派對人數由 8 人增加至 12 人,而據聞現時 Xbox Party 已經支援到最大 15 人了,不過我 Xbox 搵唔到咁多朋友同時上線,要知道香港地有 Xbox One 已經係炫富嘅象徵,麻煩知道嘅朋友可以講聲我聽呢樣野係真定假丫!

 

 

另外 Sony 其實仲測試緊一種新嘅輔助功能,呢個功能主要係通過 PS Party 同 PS4 Secon Screen App 連動,將派對入面嘅聊天文本轉換為語音,又或者將第二屏幕上嘅語音聊天轉為文本,不過二者都只會支援英語,而且僅限於美國用戶。

 

 

日版 PSN 軟件 Beta 測試申請傳送門

美版 PSN 軟件 Beta 測試申請傳送門

 

五木

五木 動漫電玩宅,極愛金田一系列,擅長動作及策略遊戲

追蹤

更多文章