【玩物花絮】LEGO百獸王大變身 神級改造恐龍戰隊大獸神

我地都成日介紹好多將 LEGO 官方產品大改造嘅 AMOC 作品,雖然 AMOC 主題有好多,不過引起大家注意嘅都係A主題建築物改造變成B主題建築物作品。今次又係日本 LEGO 神人 MoKo 出手,而且係佢少有製作嘅 AMOC,而主題真係嚇大家一跳!

大獸神 Megazord AMOC by MoKo

原來當 21311 Voltron 百獸王 官方資料公開嘅時候,MoKo 就已經覺得百獸王對腳嘅用件、用色可以令佢聯想到《恐龍戰隊》嘅大獸神。加上 21311 Voltron 百獸王 有超過二千件組件,喺咁充足嘅組件數量上,佢更加認為將百獸王砌成大獸神呢個諗法可以一試。不過喺製作前佢定左兩個方向,第一點係以 1992 年出產嘅「進化合体DX大獣神」作藍本;第二點就係盡可能還原成個大獸神嘅合體同變形程序。

點解要以呢個舊版做藍本?皆因 MoKo 細個擁有過,但後來比佢阿媽丟左囉

五隻恐龍分開同組合都見得到好成功,但係合體變型過程又做唔做得返?大家一齊睇下啦!

完全冇拆件嘅情況下可以合體做獸戰車,咁變埋做大獸神應該冇問題啦!

當然有埋把恐龍劍同長毛象盾啦!

活動性有限,不過少少動作 Pose 都仲擺得到嘅

大家睇完係咪覺得呢個神級改造得個睇字,自己買左 21311 Voltron 百獸王 都冇份砌呢?大家絕對可以放心,事關 MoKo 將成個改造過程全部放晒喺佢嘅 Blog 度慢慢比大家跟住砌!

如果你未買 21311 Voltron 百獸王 嘅話?今次呢個神人大改造嘅大獸神會唔會令你更有衝動想入返盒,甚或至入左手嘅你再入多盒呢?

MoKo 大獸神 Megazord AMOC 製作流程教學傳送門

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enought! Lego Enthusiast https://goo.gl/HRnxDW

追蹤

更多文章