【E3 2019】「殺神」奇洛李維斯唔係出場咁簡單《Cyberpunk 2077》戲份僅次主角

 

今年 E3 2019 最惹人注目嘅重量級現場嘉賓,相信一定將會喺《Cyberpunk 2077》裡面登場嘅奇洛李維斯(Keanu Reeves) !近年憑《殺神(John Wich)》系列「Jonathan “John” Wick」一角再次瘋魔全球嘅奇洛,無論對男女觀眾黎講,都係男神級影星。

以下為奇洛於 E3 出場片段。好治癒。好好睇。好可愛。未睇嘅開聲睇(心)

 

 

本身唔打開機嘅佢,今次居然喺遊戲裡面出演一角,除左令玩家對遊戲更加期待之外,亦令人好奇佢喺遊戲入面戲份有幾多,佢自己本人又對今次合作有咩睇法呢?

 

 

有關《Cyberpunk 2077》遊戲介紹,大家可以參考返我地之前嘅報導。遊戲定於 2020 年 4 月 16 日全球同步發行,對應平台為 PS4、XBox 以及 PC。

以後現代頹廢工業風作為主題嘅《Cyberpunk 2077》,開發工作室為曾製作大熱遊戲《The Witcher 3: Wild Hunt(巫師 3)》嘅 CD PROJEKT RED,所以遊戲自公佈開始已經備受各界期待,希望 CD PROJEKT RED 可以再次帶比我地新嘅驚喜。

今次奇洛喺 E3 2019 宣傳片中只係登場咗短短時間,而根據外媒 Entertainment Weekly 對奇洛嘅訪問中得知,我地親愛嘅「殺神」大人於遊戲中嘅戲份原來只係僅次於主角架咋!奇洛將會作為拍擋角色與玩家一齊進行劇情。就算本身對遊戲持觀望狀態嘅玩家,或者都會因為可以大量見到奇洛而不禁心動吧?

據說奇洛淨係為左錄音,已經於 CD PROJEKT RED 往返左超過 15 日時間,相信值得大家期待。

 

 

奇洛表示,CD PROJEKT RED 黎接觸佢,係 2018 年 7 月嘅事。因為拍攝《The Matrix(廿二世紀殺人網絡》嘅關係,自己本身已經有大量 Motion Capture 嘅經驗,所以對於點樣令自己成為遊戲中角色呢一點,感到份外熟悉,亦非常有興趣。

奇洛形容劇本為「有深度」,而自己嘅角色「Johnny Silverhand」係一個「Rebel(叛逆者)」,曾經有軍隊經驗,但受到嚴重創傷,所以必須配備機械手臂。後來結成反金融政治霸權(Corporatocracy)嘅樂團「SAMURAI」,自己擔任主唱。

主角於 Trailer 中穿著嘅外套,上面寫住 SAMURAI,其實係代表佢唔單止係樂團 Fans,而代表佢認同樂團理念。

 

 

雖然距離遊戲正式發售仲有好一段時間,但係我地編輯部對於遊戲已經急不及待!以下為《Cyberpunk 2077》遊戲 Trailer:

 

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章