【遊戲新聞】《人中之龍》PS4 最新作品女主角選拔賽結果出爐!結果由現役女優勝出

 

早前同大家報導過《人中之龍》系列最新 PS4 向作品,將會同樣地以手機版新角「春日一番」作為男主角;先代主角桐生一馬喺 Fans 心中地位超然,所以好多 Fans 對於「春日」呢個角色都未算話係好多好評。

遊戲開發目前未有實際消息,不過「女主角」選拔比賽就有出爐結果,呢個話明「向所有年輕女生公開,素人也可以」嘅比賽,最後,所有素人都落選了,得獎者係一位現役女星,名為「鎌滝えり」。

靚唔靚?我地編輯部唔評論,反正入到 Game 變成模組就會變成另一個樣。

 

 

呢位「鎌滝えり」小姐今年 24 歲,電視台嘅美女中學生選拔比賽出身,做過舞台劇,拍過廣告,最新仲有份演出 Netflix 劇集《愛なき森で叫べ》,導演為園子溫,算係比較令人注目嘅演藝狀況。

至於佢將會喺《新人龍》裡面飾演乜野角色,以及同主角春日一番會擦出咩火花,官方就暫時賣個關子,要留待 8 月 29 日先會有詳細公佈。

 

 

各位玩家,對於《新人龍》同埋呢位女主角,又有咩睇法呢?

 

相關文章:
【掛住桐生】PS4 新作招募女演員《人中之龍》下任主角將會係「春日一番」!

麻生龍

麻生龍 客席編輯,中二病廢中,打機會自己講野自己笑,鍾意睇機械人動畫。單身寡佬,目前日本在住(流放)中。

追蹤

更多文章