前一排同大家介紹過《Bloodborne: The Board Game》嘅發行商 CMON，嚟緊下年有個超大型計劃，就係同意大利遊戲公司 Xplored 合作，推出一個全新嘅 Board Game 支援系統 – Teburu。將對應嘅遊戲同你嘅平板電腦或手機功能融合，由 Teburu 系統去實時提供遊戲狀況、敵人行動、故事發展等等。

玩開 Board Game 嘅實會話「唔係新野啦喎，好多 Game 都有 App 去支援啦！」Teburu 嘅最大特色係在於佢塊感應底版度，遊戲中任何行動元素都會即時顯示，唔洗再查劇本或者 Rulebook。就算摘骰都唔洗再計算數值相關嘅效果，因為連粒骰都會提供數據資料去電腦。而且由電腦去提供埋突發情況，令遊戲嘅新鮮感大大提高。

講明係 CMON 嘅產品，當然只會係對應返佢公司出品嘅 Board Game 啦！ 嚟緊 8 月 1 號到 4 號嘅 Gen Con 2019，CMON 將會用佢地嘅新作 Zombicide Evolution 去示範 Teburu 系統嘅功能。

相關資料公開之後，玩家們對 Teburu 嘅反應都係好壞參半。而 Teburu 系統將會喺 2020 年於 Kickstarter 上架集資，不過暫時未有官方售價公開。

資料來源：CMON