《Destiny 2》嘅活動「Solstice of Heroes」於 7 月 30 日已經開始左，並會進行到 8 月 27 日為止。呢個位於 European Aerial Zone 嘅新活動，吸引左唔少《Destiny 2》玩家回坑，不過，正當大家努力攻略遊戲同時，外國就有玩家不約而同地發現左一樣奇怪嘅事物。

圖片來源：Reddit@Khpollito

最近，玩家喺 Reddit 上面嘅「raidsecrets」熱烈地討論位於 European Aerial Zone 下方嘅一條神祕隧道。原本以為會有特別寶箱，點知大家淨係見到一個「貓雕像」。

喺資料片「Forsaken」裡面，亦都曾經出現過九個類似嘅貓雕像，但係玩家於「Forsaken」裡面可以同貓雕像進行指令互動，獻上禮物，達成條件，就能得到獎勵。

但係，「Solstice of Heroes」嘅貓雕像係無任何選項可以進行的。

圖片來源 Youtube@Timbouton：喂完全唔知隻貓做乜噃

因為要去到呢個位置都需要一定行走距離，好多玩家認為「唔會乜野都無嘅！」所以努力地嘗試令到現場有事發生（例如係咁射個雕像 LOL）；亦都有玩家認為「會唔會係下次更新先會有野出現？」所以決定唔理。

當然，有少部份玩家係認為「無事發生咪無事發生囉，擺設黎啫」，非常處之泰然。

各位玩家，如果你有興趣，都可以今晚入 Game 去搵下呢隻貓（或者你已經見到過），因為今日（8 月 8 日）係「世界貓之日」，當係應下景都可以嘅！

Youtuber Timbouton 用影片話比大家知隻貓喺邊：