【遊戲新聞】《Pokemon 劍與盾》全新反派小精靈登場激似外國搖滾樂團 Kiss

 

雖然官方中文定名為《寶可夢 劍/盾》嘅全新《Pokemon》遊戲喺 Fans 眼中隱憂多多,不過遊戲最新公佈嘅新消息依然係成功取得大量外國玩家關注。

 

 

「雙彈瓦斯」以及「蛇紋熊」(「伽勒爾的樣子」造型)

 

新公佈嘅敵對寶可夢,包括「伽勒爾的樣子」形態嘅「雙彈瓦斯」以及「蛇紋熊」,因為佢地喺獨特環境成長,所以進化後嘅模樣非常獨自,例如你由「直衝熊」(伽勒爾的樣子)進化而成的「堵攔熊」。

雙彈瓦斯(伽勒爾的樣子)以不斷吸收地區中受污染嘅空氣及毒氣去成長,小精靈頭頂嘅柱狀煙囪,就係用黎釋放過濾毒素後嘅氣體;不過,積存於體內嘅毒素,將會化成高濃度毒氣,於口邊形成毒雲,強度只要敵人聞到都會全身麻痺。

 

 

而「蛇紋熊」係地區經常可見嘅小精靈,攻擊力唔高,不過經常主動挑釁,非常麻煩。「蛇紋熊」可進化為「直衝熊」(伽勒爾的樣子),可以作出時速 100 公里嘅衝擊及頭錘等攻擊動作。攻擊力高,不過一旦避開,就會露出破綻。

 

 

喺弱肉強食環境下成長嘅「直衝熊」會基於存本能進化為「堵攔熊」,習慣挑釁對手,引誘對方先攻,之後交叉雙臂,作出可以抵擋對方攻擊嘅「攔堵」以迎戰。

不過……

「堵攔熊」嘅造型一出,馬上引起外國網友熱議。原因,係因為,佢實在太似外國重金屬搖滾樂團「Kiss」!

 

 

呢個消息一傳出,連比人拎黎做比較嘅樂團成員 Gene Simmons 都不禁轉發!本人認可決定!

 

 

各位朋友又覺得似唔似?以下為官方最新公佈影片:

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章