【遊戲新聞】極限競速遊戲《Need For Speed Heat》11 月發售!夜晚賽車仲要對抗黑心警官

 

EA 於 8 月 14 日正式宣佈將會推出全新賽車競速遊戲《Need For Speed Heat(NFS Heat)》,預計 2019 年 11 月 8 日發售,對應平台為 PS4、XBox 以及 PC(Origin);各平台亦即將開始線上事前預約。

《Need For Speed Heat》前作《Need for Speed Payback 》推出已經係 2017 年嘅事,而今次嘅遊戲同樣地由 EA 旗下嘅 Ghost Games 負責開發。

 

 

今集《NFS Heat》嘅舞台位於「Palm City」,遊戲中將設定為一個開放式街道場景。Palm City 於日間會有由「Speedhunters Showdown」舉行嘅合法賽車比賽,玩家可以參加各式例如競速、Drift、Off Road 等賽事,去獲得獎金去強化自己架車。

去到晚間,就會出現公路賽事,難度以及危險性會大幅提高,一旦勝出,會得到稀有嘅強化零件,亦會提高玩家嘅評價(REP)。

不過夜晚賽車就係警方唔允許嘅,所以晚間賽事之所以危險,係因為警車會用盡一切方法撞到你炒車,佢地當中亦有黑心警官一心想置玩家於死地、以拉到你為目標。「警車追逐戰」係今集《NFS Heat》嘅重點玩法之一,有興趣甩警察尾嘅朋友可以留意。

 

 

官方最新公佈嘅宣傳片如下:

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章